Osman Luma u lind më 5 tetor 1971 në fshatin Glloboçicë, nga prindërit: Mustafa dhe e ëma Naxhija, Osmani rrjedh prej një fmailjeje me ide të qarta kombëtare dhe bujare. Shkollën fillore e kreu në vendlindje, ndërsa të mesmen, atë ushtarake, në Beograd. Vetëm pas një viti të studimeve, për shkak të plasjes së luftës në Bosnjë, në Kroaci, në Slloveni e në të tjera vise të Jugosllavisë u detyrua që t`i ndërpres mësimet. Pas kthimit nga Beogradi, Osmani shkathtësinë që e kishte mesuar në shkolën ushtarake e orientoi rreth organizimit të popullit për financimin dhe për ngritjen e arsimit, sepse arsimi është baza kryesore që një shoqeri të ec përpara. Sa më i ngritur të jetë niveli i arsimit aq më afër pavarësisë jemi, Osmani punonte shumë, sepse si ushtarak më së miri e dinte se lufta në Kosovë ishte në fazen e parë të shpërthimit. Ishte aktiv, i sjellshëm dhe i afërt me të gjithë, madje edhe me ata që nuk e njihnin. Nga fundi i vitit 1997, Osmani bën hartimin e planit për mbrotjen dhe evakuimin e popullatës nga sulemt e pushtuesve serbë. Ai ishte i bindur se armiku pa luftë nuk do të largohej nga Kosova dhe kurrë nuk do të fitohej liria. Osmani deri në mars të vitit 1998 kishte bërë edhe përgatitje të tjera taktiko-ushtarake. Ai tashmë ishte takuar me komandant Agim Bajramin dhe ishte inkuadruar në radhët e UÇK-së. para shpërthimit të luftës, Osmani kishte kryer me sukses dhjetra aksione. Lufta në Kosovë, Osmain e gjeti në cilisinë e zvendëskomandantit të kompanisë, në Brigadën 162 “Agim Bajrami”.

Më 28 shkrut të vitit 1999, del në arenë të luftës. Dita e kobshmë dhe krenare ndodhi më 8 mars 1999. në fshatin Ivajë në një betejë, ballë për ballë me armikun, pas një qëndrimi heroik të ushtarëve të UÇK-së kundër kriminelëve serbë, edhe Osman Mustafë Luma, me bashkëluftëtarët: Murat Lika dhe Raif Koraçi bie heroikisht, për të mos vdekur kurrë. Osmani u bë shembull se si vdiset për atdhe. Puna e tij e palodhur është e shenjtë dhe paraqet kaptinë të veçantë në analet e historisë kombëtare. Osmani me gjakun e vet lau tokën e shenjtë dhe u radhit në altarin e lirisë me një heroizëm të pashoq për t`u treguar brezve se si fitohet liria.

Lavdi…..!