Qani Luma u lind më 17 maj 1976 në Glloboçicë. Glloboçica gjithmonë kishte lindur trima për lirinë e Kosovës. Të frymëzuar nga heroizmi i Grykës së Kaçanikut, symbol i Termopileve Shqiptare shumë të rinj rrokën armët dhe hynë në radhët e UÇK-së. Qaniu, mësimet e para i mori në shkollën fillore të vendlindjes. Ndërkaq, në pamundësi që t`i vazhdonte më tutje mësimet, për shkaqe ekonomike dhe për shkak të rrugës së gjatë e të vështirë malor, sidomos gjatë stinës së dimrit, detyrohet t`i ndërpres ato.

Qaniu u lind në një familje të edukuar me atdhetarizëm, e cila gjithmonë kishte në shpirt krenarinë se i takonte shqiptarisë. Ngjarjet e viteve të fundit në Kosovë, kur okupatori serb donte të shkatërronte gjithçka që ishte shqiptare, ishin bërë preokupim i tij kryesor. Duke i parë dhe përjetuar të gjitha ato të këqija, që po ndodhnin përditë e më shumë, Qaniu filloi t`i kushtonte rëndësi të madhe përgatitjes për ditët më të vështira. E dinte se një ditë do të ballafaqohej me këtë armik barbar. Gjithmonë e kishte ëndërruar Kosovën të lirë e të pavarur, pa kriminelë e pa pushtues dhe që vetë shqiptarët të jenë zot në tokën e tyre. Ai e dinte se vetëm me luftë Serbia do të largohej nga trojet e Kosovës dhe pastaj këmbë krimineli e barbari kurrë s`do të shkilte më në troejt tona.

Drenica dhe drenicasit, të parët i thanë stop shkaut të ardhur nga Karpatet. Këtu, sa të jemi ne shqipet e maleve nuk mund të shkelë këmbë armiku. Lufta u përhap shumë shpejte dhe u shtri edhe në viset, ku jetonte Qani Luma. Qaniu, me tërë zellin e tij shpirtëror, iu bashkua ushtarëve trima të UÇK-së për çlirimin e atdheut. Që prej 20 majit `98 qëndroi e veproi i palodhur ditë e natë, në borë e në shi. Ai frunizonte me armë UÇK-në në mënyrë ilegale. Ofensiva në fshatin Ivajë ishte një luftë e pabarabartë, me një rrethim të hekurt. Pushtuesit serbo-sllavë, për Ivajë kishin nisur 7000 ushtarë, policë paramilitarë, me dhjetra tanked he armatim tjetër modern. Qani Luma me shokët e tij pas një qendrese titanike, bie heroikisht në vijën e parë të frontit. Bie duke mbrojtur Kaçanikutn dhe duke e mbrojtur Kosovën dhe tërë shqiptarinë. Tetë marsi i vitit 1999 në Ivajë do të mbetet në histori për heroizmin e lavdinë e ushtarëve të UÇK-së. Qaniu ishte një luftëtar i denjë, trim dhe sypatrembur. E deshi më shumë lirinë se vetë jetën e tij, prandaj atë ia fal lirisë dhe Kosovës. Vetëm me gjakun e këtyre trimave, si dhe të Qaniut, agoi dielli i lirisë edhe për ne shqiptarët e trojeve kosovare, që me shekuj  e kishin pritur edhe mijëra dëshmorë e martirë të tokës arbërore. Me nder të posaçëm radhitet në piedestalin e djemëve më të mirë të atdheut-dëshmorëe të kombit.

L a  v  d  i………..